Sya'ir Ingat Mati

SYA'IR INGAT MATI

Karya KH. Djamaluddin Ahmad Tambakberas Jombang

Yaa rosulallah salammun'alaik

Yaa rofi'asaaniwaddaaroji

'atfatayaji rotall 'aalami

Yauhailaljuu diwaalkaromi (2x)

Dadi kawulo kudu eleng pati

Ku ngono dawuh saking Jeng Nabi
Ugo wasiat saking Jeng Nabi

Supoyo mulyo sakwisi mati (2x)

Wong eleng mati ora sembrono

Nglakoni sholat ugo puasa
Ugo tansah wedi nglakoni duso

Marang Pengeran kang moho kuoso (2x)

Pareke pati ono tandane

Nomer sijine putih rambute
Nomer lorone ompong untune

Nomer telune budek kupinge (2x)

Nomer papate blereng mripate

Nomer limone lalen akale
Iku tondone pepeleng teko

Saking malaikat kang jabut nyowo (2x)

Sohabat anshor takon nyuwun pirso

Sopo luwih pinter lan luwih mulyo
Kanjeng Rosulillah banjur ngendiko

Ing dalem hadits kang kito woco (2x)

Kang luwih akeh eleng patine

Ugo luwih akeh persiapane
Bakal dadi mulyo dunyo akhirote

Ing ngersane Allah yo Pengerane (2x)

Persiapan mati kudu cepet tobat

Saking maksiat ojo terlambat
Mumpung awak e romungso sehat  

Ojo ngenteni waktu sekarat (2x)

Nomer lorone akeh ibadahe

Poso lan sholat ugo zakate
Ugo sodaqoh fakir miskine

Marang anak yatim merhatek ake (2x)

Nomer telune ikhlas amale

Bagus akhlak e sabar atine
Seneng ngabukti ing wong tuwane

Ugo ngabukti marang gurune (2x)

Ingdalem hadits diterangake

Sepuluh golongan utuh mayite
Nomer sijine ku poro Nabi

Nomer lorone wong perang suci (2x)

Nomer telune alim ilmune

Nomer papate syahid matine
Nomer limone wadon matine

Naliko durung entek nifase (2x)

Nomer neneme wong apal Qur’an

Nomer pitune wong tukang adzan 
Sarono ikhlas krono Pengeran

Banjur matine anggowo iman (2x)

Nomer wolune kang didzolimi

Dianioyo sehinggo mati
Nomer songone lan sepuluhe

Mati dino jum’at ugo wengine (2x)

Bagikan Artikel ini